Mas Klambi Kuning

Sari wiwit mau nyawang handphone, dheweke ngenteni SMS saka Mas Embek, kakak kelas saka XI IA5. Sari kuwi salah sijine siswa anyar ing sekolah SMA Negeri 4 Surabaya. Ing dina Jemuwah kira-kira bulan September taun 2010, Sari ing ngarep kelas IS 2 manggon lantai ngisor ngenteni balesan Mas Embek sing janjine ngejak dheweke melu materi Kepecinta Alaman. Sari nalika siswa anyar sing wajib melu kagiyatan ekstra ing sekolah, bocah wadon nanging tomboy kuwi wis nyoba melu kagiyatan ekstra nari lan kor nanging ora trep karo kepengine uga sipate, senajan wiwit SMP dheweke melu kagiyatan nari uga kor nanging dheweke luwih remen dolan nang njaba luwih lan milih melu Pecinta Alam.

 Kira-kira 10 menit dheweke ngenteni nang njaba, Mas Embek kon dheweke melbu kelas ae, karo kancane sing jenenge Dian. Nanging kancane Dian kuwi durung teka, lha kuwi sing ndadekake Sari bingung. Banjur mbatin “Dian ki nang endi? Aku apa ngenteni nganti elek ing kene ya padha ae telat, daripada ngenteni nang kene wis tak melbu ae ben Dian nyusul melbu mengko”. Jebule Sari melbu dhisikan, merga dheweke wis telat. Ing kelas ana mas uga mbak senior sing wis dadi anggota nanging lelungguhan ing mburi. Uga ana pemimpin materi namine Mas Mbah, salah sijine senior organisasi PA kuwi wong sing nganti saiki sik dadi kanca, ora kanca maneh wis kaya dulure Sari. Dheweke, sing lagi wenehi materi babagan biouvac yaiku materi kang ngrembag papan panggone ngaso sing asipat emergency. Banjur dilanjut materi praktek ing mburi sekolah mengko rada awan.

Sari ing kelas kuwi langsung dikon tetepangan ing ngarep kelas yen dheweke anggota anyar  “Perkenalkan, namaku Sari dari X8, ingin bergabung menjadi calon anggota BRIPETA(Brigade Pecinta Alam) karena aku sangat suka dengan sesuatu tentang petualangan”.

Banjur tetepangan  kuwi Sari lungguh nang sebelah Nia, kanca cedhek nganti saiki, bocah sing seneng banget guyon uga grapyak. Anggene materi mlaku lancar uga tertib, para calon ya akeh sing menehi pitakonan marang pemateri.

Buyare materi kuwi dilanjut praktek ing mburi sekolahan sing manggon nang SMPN 29 merga SMAN 4 sing kalebu SMA favorit Surabaya kuwi ora nduwe lapangan, sejatine ya ora pantes nanging panggon sing ora cukup kuwi dadi alasan geneya kok ora duwe lapangan. Wis nang lapangan,

Sari iki lagi eleng kancane Dian kuwi kok ora ndang muncul banjur mbatin maneh “Lha Dian iki nangdi? Kok kaet mau ora muncul, lha sing calon anggota anyar mung aku tok iki??”. Ora selang duwi kok Dian muncul marani Sari banjur takon “Lo Sar iki apa wis praktek? Aku mau kok mbok tinggal kuwi piye?”

 Sari mangsuli lan menehi pangajak “Ya wis ta, awakmu nangdi ae kaet mau? Dak enteni 10menitan awakmu kok ora muncul ya dak tinggal mlebu Yan, ayo wis melu ae prakteke, tak takokna Mas Mbah ya?”.

Dian langsung ngomong karo ngguya-ngguyu “Ora usah, isin aku, tak nyawang saka kene ae penting kan ngerti kuwi lapo ae hhehehe“.

Banjur Sari mangsuli karo melas “Lha iki mengko nasibku piye Yan? Aku dhewean lho sing dadi calon anyar??”

“Ora dhewean, aku nyusul sesuk yen ana materi maneh Sar, iki mau sungkan aku ora melu materi kok mara-mara aku melu praktek kok sajakke ora pantes ngunu, aja nangis ta?” Wangsulane Dian karo ngrayu Sari.

Sari banjur ngomong “Yawis aku tak melu praktek dhisik, ora penak yen telat kaya mau, dhisik ya? Aja ngalih lho ya, awakmu nyawanga saka kene ae”

 “Oke Sar santai ae hehe” Wangsulane Dian nyanggupi.

Ing lapangan Sari wis isa cedhak karo kanca-kanca anyare uga karo mas mbak senior, merga Sari bocah sing grapyak lan seneng banget gegojegan. Meskpiun Sari lagi kapisan kuwi melu kagiyatan sing kalebu kagiyatan outdoor. Ing praktek biouvac kuwi diajarna babagan simpul sing kudu dimangerteni yaiku simpul pangkal uga jangkar. Banjur carane gawe lan masang pasak, pasak isa saka pring utawa wesi. Yen wis dipasang biouvac kudu gawe parit utawa saluran gawe liwatte banyu. Nang kana kudu mangerteni arah angin uga golek panggon ngadegna biouvac. Kahanan praktek pas kuwi seneng banget tur rame merga bocah-bocah padha semangat.

Kira-kira 1 jam luwih praktek banjur bocah-bocah lan mas mbak senior ngumpul ing kanthin sekolah. Ing kanthin kuwi Dian marani Sari maneh.

“Sar, piye praktekke? Asik apa ora?” pitakonne Dian penasaran.

Sari mangsuli “Wah eman banget awakmu ora melu, asik banget toh, adventure banget pokoke haha”

“Wah eman banget ya? Eh ana kakak kelas sing bagus apa ora?hehehehe” ndilalah Dian malah takon kakak kelas.

Langsung Sari mangsuli “Ora ana sing bening hehe, biasa wae mas-mase Yan, ora ana sing tak sir”

Banjur Dian kandha karo bisik-bisik “Apa ora kliwat awakmu, mas sing gawe klambi kuning sawangen lak manis, tapi mau aku nyawang kok mas e wis manthuk Sar”

“Sing nggenah awakmu? Wah luput aku, yawis sesuk tak golekki sing endi Mas Klambi kuning kuwi!” walese Sari marang Dian.

Kumpul ing kanthin wis rampung banjur Sari manthuk. Langsung dheweke SMS Embek,munine kaya ngene “Mas Mbek mau apa ana kakak kelas sing gawe klambi kuning?”.

Ora suwi selang 3 menit HPne Sari geter, ana SMS melbu saka Mas Embek munine “Oalah, ketum ta Sar, nyapo hayoooo?”.

 Karo ngguya-ngguyu Sari bales “Ora Mas kancaku lho sing takon, ketum kuwi apa Mas?”. Ora suwi dibales maneh.

“Haha tenan ye?ketum kuwi Ketua Umum, sing mimpin BRIPETA periode saiki Sar, jenenge kuwi Adit, sesuk kan enek latihan, tak kei weruh sing endi bocahe”

Sari ngguyu karo mbatin penasaran  “Oalah inggih mas suwun ya”

Sesuke Sari teka ing Taman Prestasi arep latihan fisik kanggo munggah gunung. Banjur ketemu karo Nia langsung disapa “He Nia dhek kapan awakmu teka? Aku telat berarti iki ya hehe”

“Ora kok, lagi ae aku teka, iki awakmu kapisan melu latihan ya?” pitakonne Nia marang Sari. Ora selang suwi , enek Mas senior teka, pawakane gedhe dhuwur, pakulitanne sawo mateng, uga pas liwat kuwi ambune wangi tur seger banget, pokokke manis banget miturut panyawanganne Sari. Banjur Sari bisik-bisik pitakon marang Nia “Mas kuwi jenenge sapa Nia?kok keren banget!”.

“Seneng ya? Kuwi jenenge Mas Adit, akeh sing ngesir Mas kuwi loh Sar hehe, ancen manis tur cool banget” wangsulanne Nia karo mesam-mesem.

Banjur Sari mbatin karo mesam-mesem ora jelas “Wah yo tenan aku wingi kuwi luput apesku kok ora katon Mas manis banget kaya ngono, oalah Mas Klambi Kuning sampeyan gawe klambi werna apa ae tetep katon manis”. Sawise kuwi Sari seneng banget yen nyawang Mas klambi kuning uga mendem rasa sing luwih saka seneng.

  -Cuthel-

 Dening : Putri Novita Sari

Ini adalah salah satu tugas saat semester 4, untuk membuat cerita pendek (cerkak). Dan semua yang ada disana nama beberapa tokoh yang merupakan nama fiksi. Tapi semua kisah dan settingnya dalah nyata :) belongs to AK